أديني عفوك ياوطن

أديني عفوك ياوطن ورضاك علي

ما نحن فارقناك قبيل من غير وعي

وقلنا بنغيب عنك قليل

ونحقق الحلم الجميل

ونجيك راجعين يا وطن

نرفع صغير نسعد كبير

ما هناك قالوا المال وفير والخير كتير

وقلنا بنغيب بس قليل

ودعنا احبابنا وبكينا دموع فرح

وقهرنا خوف جوانا قلنا سنين قليله ونحن راجعين ياوطن

شلنا الشنيطات الصغار

وفي راسنا يوم نرجع كبار

وبدا السير

في شارع الغربة الطويل

ما عرفنا نحن بدينا صاح والا الطرق تاهت علينا

ونحن ضلينا الطريق

ولسه ماشين ياالهدف

الكان صغير يوم ما بدينا ا لرحله

قلنا نغيب قليل

ونحقق الحلم الجميل

ونجيك راجعين ياوطن

ضاع الزمن ونحن ماشين والطريق

قدامنا لسه طويل شديد

ماليهو اخر او معالم

بس تدلك او تشير

اتقرحت اقدامنا من طول المشي

وعيونا ما عادت تشوف وين اخر المشوار تقيف

شاب الشعر

الم المفاصل والضهر الضغط وأمراض القلب

والهم كبير

ما نحن قلنا نغيب قليل ونحقق الحلم الجميل

ونجيك راجعين ياوطن

حتي الحلم اتلاشي من جوه الفكر

اتشعبت بينا الطرق واتلخبطت افكارنا

وين ضاع العمر

وبعد السنين نحلم نجيك

قاصدين رضاك طالبين عفوك

وما اتحقق الحلم الجميل

وما لقينا غير الهم بديل

سامحنا عفوك ياوطن

vavavav
really nice man
your subjects are less
but really 1 =100
really good words and strong

keep going zaglona

thanks for ur passing
wada krach nd alzaem