بسم الله الرحمن الرحيم
مواطن ومسؤول هو رسم كاركتيرى للكركتيرست فارس وينشر فى الصفحه ال3 فى صحيفة اخر لحظه وجاتنى فكرة انو اعملها ليكم هنا لانها فكرة جميله شديد وهى انو المسؤول يصرح
تصريح ويرد عليه المواطن برد ساخر وانت فى البدايه حتضحك لكن لو اتعمقت فى معناهو بتلقاهو قمه فى الفهم السياسى
فى الرسمه المسؤول زول لابس بدله وسميييين (ماشاء الله) أما المواطن زول نحييف ولابس ليهو جلابيه مرقعه
يلا انا ح اكتب ليكم الحوارات الجرت بيناتم
المسؤول :لم نتفق مع حزب الامه على تجاوز أبوجا
المواطن : أوعو تكونو اتجاوزتونا نحنا ؟!
=================
المسؤول :90% من دارفور امنه وقتلاهم لم يتجاوز العشره الاف
المواطن : شويه والله
========================
المسؤول : لن نصمت على تجاوزات الأمم المتحده تجاه عطاءات الهجين
المواطن : بس ماتحلفو طلاق
=================
المسؤول : نجدد رفض السودان للتدخل الخارجى
المواطن : من الفضاء ؟!!
======================
المسؤول: نعد بتوفير العيش الكريم للمواطنين
المواطن : فى الأول وفروا لينا عيش الافران
==============
المسؤول : انخفاض خفض الانفاق الحكومى
المواطن : علينا ؟!!
=============
المسؤول : علاقة المؤتمر الوطنى بالحركه تحتاج لموقف حازم وحاسم وعادل
المواطن: والصادق والمرغنى والترابى ونقد و....
====================
المسؤول : غير منزعجين من ظهور الجنادب بكوستى وربك
المواطن : انتو بعد القوات الدوليه تانى مافى حاجه حتزعجكم
==================
المسؤول :ننتقد الافراج عن المتهمين باختطاف أطفال دارفور
المواطن : كدا خوفتونا على أولادنا
==============
المسؤول : لانخشى المقاطعه والحصار والحرب
المواطن : نحن بنخشى
=================
المسؤول : منعنا الهايس والامجاد من عبور الكبارى
المواطن : والحافلات دى مؤتمر وطنى
انشاء الله الفكره تعجبكم
تحياتى