أجمل كلمات الأغاني السودانية

السلام عليكم ورحمة الله تعالى وبركاته

سأبدأ بمحاولة كتابة أجمل ما تغنى به الفنانين السودانيين .. وياريت تساعدوني

حنيني اليك

حنينى اليك وليل الغربة اضنانى
وطيف ذكراك بدمع القلب بكانى
واقول ياريت زمانى الفات يعود تانى
القاك يا وحيد عمرى وتلقانى
تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تانى
بهرب من خيال طيفك فى عيني بلاقيه
اعيش ايامى بالذكرة
الم افراح اعيش بيه
متين الليل يصافينى
ونعود تانى تانى تانى من تانى
القاك ياحبيب عمرى وتلقانى

.
.
.

الشوق و الريد

والحب البان في لمسة إيد
وأغاني نقولا..
والدنيا زهور في عينينا
تصبح كل يوم زي طفل وليد
**************************
كل الأشواق..
وآهه بتجرح قلب المشتاق
ليك ياهاجر ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان حليل الكان
نخلي الحب يسرح بينا
يبقي جناحين ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا

.
.
.

اكتب لي

حبيبى اكتب لى .. وانا اكتب ليك
بالحاصل بى .. والحاصل بيك
الحاصل بى ..انا شوق وحنين
واقيم الليل .. آهات وانين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك

اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. فجر الِصبا
ابسم اليك ..تبسم معاى
تسمع .. غناى ..
مع صوت الناى ..وانا يا مناى
الطول حياتى .. بغنى ليك ..

أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامنا ليك

.
.
.

أعذريني

أعذريني الدمعة ديّه...حتبقى آخر دمعة ليّه....
تاني لو قربت منك.....يبقى ليك الحق عليّ....

أعذريني محال أعاود....تاني ريدتك وأمشي ليها..
ولا أرحل في عيونك....والطفولة الضاجّة فيها....
كيفك أريدك وانتي أصلك....ريدتي ما حسيتي بيها..
بالبعاد ما تعذبيني......أعذريني وأعذريني...

ما قدرت مرة واحدة......بالغلط أغلط عليك...
وانتي عمرك كلو ظالمة.....والدليل غفراني ليك...
عارفو قلبك ما معاي.....برضي شاغل قلبي بيك...
بالحنان ما تعشميني......أعذريني وأعذريني...

من زمان وأنا راجي منك....كلمة بيها تفرحيني...
وانتي ما فرحت قلبي......كنت ديمة تجرحيني...
قسمة الزول ما بتفوتو....والبجيني معاك بجيني..
لو بكت منك عيوني......سامحيها وأعذريني...
.

.
.

من أجمل الأغاني الوطنية التي تغنت

بلد رايح

حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيك
أفكار...
يزيدوا الحبس والحراس
قدر ما تجري فيك الخيل
تدوس الهيبة
والإحساس
واسأل
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

.
.
.

الطـيــــــــور

والله نحنّ مع الطيور..

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

*********

والحبيبة تغنى لينا

لا هموم تسكن دروبنا

.. ولا يلاقينا الخطر

*********

إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر.

.
.
.

رائعة الأستاذ كمال ترباس

أمي

أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

* * *

أمى يا دار السلام

يا حصنى لو جار الزمان ،

ختيتى فى قلبى اليقين

يا مطمنانى .. بطمنك

أمى .. الله يسلمك

***

خيرك على بالحيل كتير ،

يا مرضعانى الطيبة بالصبر الجميل ،

سا سعد أيامى وهناى

لو درتى قلبى ، أسلمك.

أمى .. الله يسلمك

***

أنا مهما أفصح عن مشاعرى

برضو بيخونى الكلام

وقولة ( بحبك )

ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك ..

.
.
.

اذكريني يا حمامة

اذكريني يا حمامه كلما ساجع ترنم في هواي وحب جمالك
اذكريني يا حمامه كلما هطلت غمامه في مساك او في صباحك
في غدوك او في رواحك
كلما بارق تبسم او نسيم الصبح نسم
عني دايما يكون سؤالك

في ما هجراني وعلى ما
يالهواك صار لي علامه
شاهرا لي دايما سلاحك
موتي واقف في اصطلاحك
طرفي عن رأياكي مغرم
زنبي ايه غير اني مغرم في هواك من بدري مالك

كل من في الكون نام
عيني ليك فقدت مناما
انتي يا الكاحلك نعاسي
يذدري الاغصان مجاسك
حظي ذي ليل فرعك اقسم
الجحيم من هجرك ارحم عني هل شغلك دلالك.

صرتا اعشق فيكي قامه
خصرها يعيرني السقامه
فيك اشرق نور صباحي
في ثنا البدر استضاحك
فكري زي خصرك مقسم
حظي زي ردئك مجسم هل يصير يرضيكي ذلك

روحي ليك وافت حماما
اذكريني يا حمامه
في ذهابك او في ايابك
ثم في فتره غيابك
الدرر شعري المنظم
دمتي يا الغدرك معظم
في نعيم جنه ظلالك شمبات ظلالك

اذكريني يا حمامه كلما ساجع ترنم في هواي وحب جمالك

.
.
.

هذا قيض من فيض

ولي عودة

بحلم بيك ديمقراطي .. بكل معاني الكون ديمقراطي

والله ماقصررررررررررت تب

علي الطلاق المنتدي من غيرك ياديمقراطيه مسيخ عديل كده

تسلم كتير ياملك

السلام عليكم ورحمة الله وبركاته

تسلم يا راقي ويديك العافية

ابقى قريب الجاي أروع

تحياتي

اليكم روائع الأغنية السودانية .. مقتبسي الروعة من الشارع السوداني .. عقد الجلاد

الأهلية

الأهلية كِملت يا حبيب راحت
ياحليل شمس المحنة الغربت طاحت
بسم الله ابتديت متل البرق لاحت
في الشين والفسل بقينا نتباحت
طال الكان قصير والعالي اتاحت
والصولات حليلن ملكتن راحت

مالك يا زمان شبعتنا هولة
لبست الناس تيابا الحاشا مي هولا
يات من كان يجي دماعو مبهولة
وللـ لله راحت بقت البواجهولا

مالك يازمان شبعتنا وح ووحيح
صح الدون كضب.. كضب العوالي صحيح
يا من كان أنا جعلتو لي صليح
عقرب حز لي ويا نفسي زين ومليح

في حوال الزمن صار الفكر حاير
والياباك خلو عندو شن داير
فوق أهل الفكر كاس الوحيح داير
نفد سوق النفاق .. سوق السمح باير

تب الشباب إن بقى كواس
تب الصبي الانقطع المروة خلاص
تب الشايب إن بقى وسواس
تب الأقربين الإتفاتتو الأمغاص

.
.
.

روعة الابداع والمنظر

جمــــال الـنيـــل

يــا جمـــــال النيــل .. والخـــرطوم باليل
ياراضعة من نيليـن .. عشقوك من أزمان
يـا قبلـــة التايـــهين .. يادرة الســـــودان
عبق شذى الياسمين .. والورد والريـحان
عشــاق سمر باليـل .. سحرهم جمال النيل

أجمــل ليــالينــــــــا .. لمـــا القمر يـظهــر
والونسـة تبقي غنـا .. والغــنوة تـتـمـهــل
وتفوت على امدرمان ..وهناك تكون اجمل
لو بس تطول ياليل .. وتزيد جمال النيل

كل ما نقول ...

كل مانقول خلصنا الليل

يطلع باكر ليلا أطول

كل مانقول خلصنا الشيل

تطلع شيلة باكر أتقل

بس نتحمل ونصبر ونأمل

إنو الجاي صباحا أجمل

لكن كيف ..

طعم الريد جوانا اتحول

مرة تشيلك فوق لفوق

مرات تملاك فاقة وضيق

تلقى الدنيا تلم في هموما

تفتح جرحك وانت تضوق

أنسى وأقول ما منها مني

دايما بحلم وأنا ممحوق

قنا كتير الشارع بقصر

لمن نصبر نحن نكون

لم الزول في يوم يتعثر

بكرة القاسى الشافة يقول

بكرة بنمشي الخطوة الأولى..

التانية ..التالتة..

الرابعة.. الخامسة ..

وفجأة ...

نلقى الشارع قسى واتحجر

نلقى الحلم الفينا اتكسر

ويبقى الزول

مسجو ن مجنون مهضوم بالهم

مسكون ميئوس معفوص جواو

منحوس محبوس ويكوس

أسي دا شارع ماشي لي وين

لينا عليهو سنين وسنين

نمشي كأننا ما ماشين

نفتح سكة نسد اتنين

.
.
.

كـــل الخيــر

لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

.
.
.

الله علييييك سلم على الكلمات الرائعة

يـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا سلام عليـــــــــــــــــــــــــــــــــــــــــــــــــــــــــــــــــــــك

كلمات رائعة حقاً

الى الامام

رائع جدا ..... كويس انك وريت الناس اصل الكلمات .. الفناننين الجداد بياكلو الكلمات والناس تدندن ساي ما فاهمين الكلام... Very Happy