مليون مراحب بالعضو الجديد النشيط الفعال
الكوز الهاكر او الهاكر الكوز
(كمايحلو للبعض تسميته)
وكمعلومة بسيطة عشان نعرفكم باخونا الكوز الهاكر
سلبت حقوقو في التعبير عن رايو و اتجاهاتو السياسية بكل صراحة
وانا هنا مابصدد اذكر ديل منو ؟؟؟ او احكي تفاصيل ؟؟؟
لكن احب اقول للناس ده مثال بسيط للي بيحصل في باكستان
هضم للحقوق وإخراس للناس بحجة إنو هم الصح والللي ضدنا غلط
طيب اين المعاني والتضحيات اللي شرطتونا بيها
( حرية - ديمقراطية - ......... الي اخره)
لو زول بيعبر عن ارائه بيسحبو عضويتو
وده كلو عشان ارائه ماعجبتهم واختلفت
والله ياجماعة الموضوع طويل وانا عندي كل الادلة والبراهين اللي بتثبت كدة
ومستعد للمواجهة
وبقول للعضونا الجديد مرحب بيك في منتدي السودانين بباكستان وليس فقط الطلاب او العمال
او الإتحاد العام(الممثل الشرعي والوحيد للطلاب السودانيين بباكستان والمعترف به من السفارة والإتحاد العام للطلاب السودانيين-السودان)
او غير العام (...............)
بل هو لكل الوان الطيف السودان
ومرة تانية نورت المنتدي ومرحب
ومنتظر رددوكم
و شماراتكم..........