اين توحيد الاتحادات في باكستان

لما ننتظر ؟ ولماذا يتخذون قرارات لا نوافق فيها نحن ؟ ولماذا من لايتنمون في الساحة الطلابة بالتدخل فيما لا يعنيهم؟

كل هذة الاسأله تراود فكر من فيهم روح حب الوطن وحب الوحدة والسلام .. وحب الساحة الطلابية..
فيا احبابي اتمني من كل من يود التوحيد ولم الشمل بالمشاركة في الراي حتي يتحقق لنا ما نسمو اليه...

فما رأيكم ان نضع بعض المتطلبات لتحقيق الوحدة... وانا اراى ان ايكون اولها :-
*عدم تدخل من هم خارج الساحة الطلابية (اعني من هم أتمو الدراسة في باكستان)
واتمنى منكم ان تشاركونا بالمتطلبات لكي يتسنى ان نحقق ما هو قد صعب على اللجان التنفيذية في كلا الطرفين... ولن يحقق التوحيد الا بنا جميعا وكما قيل(( ما حك ظهرك الا ظفرك))

وفي انتظاركم

كلامك صح ياحرية بس الموضوع دا ما ساهل عشان يخلص في يوم وليلة !! لانو التوحيد دا كان حلم اي طالب سوداني في باكستان وحلم السفارة والجالية اجمع , يعني الشي دا صعب الناس لازم تتريس ليهو وتفكر وتخطط ليهو التخطيط السليم..ومن هنا انا احي واشكر الاخوة في الاتحاد العظيم الاتحاد العام للطلاب السودانيين في باكستان على البادرة اللي طرحها واللي ما قدر اي اتحاد اوجالية او سفارة علي طرحه.اتمنى من كل قلبي انو الطلاب يكونو تحت سقف واحد ضمن اتحاد واحد يحفظ حقوقهم ويحترم اراءهم ويحل مشااكلهم..

كونو الطلاب يكونو مع بعض متكاتفين في بلد غربة حيعكس الوجه المشرق للسودان وحيحسن الطورة اللي شوهوها مجموعة الطلاب السودانيين في باكستان .
في الختام
لا بد من الوحدة .. وما تستعجل يا حرية .... وعايزين نشوف راي الاخوان شنو.....؟

وورونا رايكم!

السلام عليكم ورحمة الله تعالى وبركاته

للأسف أخوتي كل يوم يزداد يقيني وايماني بأن المشكلة ليست في شتات الساحة الطلابية ، بل المشكلة في طريقة حل المشكلة ..
فأنتم لا تأخذون المواضيع بجانب خوف أو رغبة فعلا في حل المشكلة بل تأخذونها بطريقة شخصية جدا..

فعلا لحل قضية الساحة الطلابية في حيدرأباد ، لابد من تواجد اللجان التنفيذية للاتحاد بالاضافة الى الطلبة الغير منتمين الى اي من الاتحادين فقط .. بدون أي تدخل من طرف آخر.
قد أكون معك في هذه النقطة أن لا يتدخل من أتم دراسته في باكستان لكن أيضا أضف اليهم الأشخاص المدنيين وأشخاص من الجالية .. فهم خارج الساحة طلابية ولا ينتمون اليها بأي شكل من الأشكال ليحلوا مشاكلها بل على العكس قد يكون الطالب الذي أتم دراسته أنفع وأدرى وقد يقدم شيئا ملموسا لانه كان يوما جزءا من هذه الساحة.
وأضف اليهم أيضا الطلاب الجدد لأنه بالتأكيد لان يكون الطالب الجديد الذي لم تتجاوز فترة اقامته ال 6 أشهر حل قضية لم يستطع أناس فترة اقامتهم تجاوزت ال 6 سنين .. ومشكلة تجاوزت ال 10 سنون .. ليس تقليلا من مكانتة أو قدرة أحدهم.

وكما قلت أخي الحرية للسودان " ما حاك جلدك مثل ظفرك " سلم فاك

بحلم بيك ديموقراطي .. بكل معاني الكون ديموقراطي

سلام لكل الشباب الهنا واحد واحد من دون

والمواضيع مسخن ومادير مقدمات

عشان كده نخش طوالييييي

انت يايمقراطي كلامك القلتو ده

دي طريقه الحل المثلي

الجاليه +الطلاب لسناير+لجان الإتحاد+الخريجين+السفاره=بيئه طلابيه سليمه

لكن انت قبيل قلت مادايرين زول يتدخل

لانو انت عارف الناس ديل بيخدمو مصالحهم الخاصه

ومستحيل يصلحو الحال ومستفيدين ن الوضع الحالي

عشان كده
الزبده الخلاصه المفيده

لوماالناس دي اتخارجت من البلد

ماحنقدر ننجز حاجه

لانو اي محاوله ليك لضم الساحه من دوهم حيعارضوها

وماالبيانات اللي شفانها اخر اياما
اكبر دليل علي كلامي

ولو قلت ليهم ساعدونا حيقولو ليك كده كويس نحن مرتاحين

أو حيطلبو شروط تعجيزيه

ومنتظر ردودكم ومشاوراتكم

اخوكم واد كراتشي

السلام عليكم ورحمة الله وبركاتة
عندما يعلم الذين ينتمون الي الاحزاب السياسية بأن الاتحاد وحدة نقابية تخدم الطالب السوداني ويتجرد كل من ينتمئ الى مكتبة التنفيذي من ثوبة السياسى فسوف تكون هنالك وحدة نقابية حقيقية.

نأمل ذلك ... ودي نقطة اساسية يا ود الريف ولازم الناس تخت ليها اعتبار..