* انت منو؟ ـ انا الشافوها كرهوها .. والسمعوها نبذوها .. انا الباعوضه بتقرص .. والنوناي السامعو دا صوتي انا.
* اسم الشهرة او الدلع؟ ـ انثى الانوفليس، سيده وجمالها فريد خلقوني للتعذيب.
* مسقط الرأس؟ ـ يعني البرك، البلاعات، المستنقعات، المجاري وكل الدروب المعطونة بالطين والوحل.
* السكن حاليا؟ ـ الحاج يوسف والكلاكلات وراس الشيطان والدنيا حلوه وانا بحب شباب ام بدة جدا خالص.
* المهنة؟ ـ اشيل دم من دا يمرض دا .. وأمرض دا لغاية ما يقول عندي حمى وبي صداع الم .. واطلع ليه ام هلا هلا في راسو .. ويقعد يقول انا ما عيان جيبوا لي بخور ويجنتر.
* اجمل اوقاتك؟ ـ بنمشي مشوار العصاري ونجي راجعين في المغيرب ونتجمع ساعة المساء فرد الجناح لملم مصابيح النهار، ونتكيف في عز الليل ونهوى الليل الهادي .. ما سمعت اللحو قال الليل بدورو الناس وانا ليلي اخاف منو .. ما نحن السبب.
* اللون المفضل؟ ـ بحب اي بني ادم احمر لونو وجسموا .. ومرات السادة اللونو خمري .. ويا ريت لو كان لونو سمح زي الدهب ولا القمح.
* اجمل فصول السنة ـ حل الخريف حلا.
* لاعب كرة قدم ـ فاروق«جبرة» لانو دي منطقتنا المفضلة وباعوض جبره عندو جلحات ومدغلب.
* فنان سوداني؟ ـ ابو اللمين لانو قال ليلي دون الناس كلو آهات كلو آهات.
* كاتب تقري ليه؟ ـ المتنبي عشان قال: وزائرتي كأن بها امر قبض فليست تزور الا في الظلام
* شخصية عالمية؟ ـ دراكولا. اقول ليه حبيبي تعال تعال نتلم ما دام الريد اختلط بالدم.
* نقطة الضعف الوحيدة. ـ المواطن العندو ناموسية مشبعة بس انا وراهو والزمن طويل .. بقول ليه لو طلعت القمرة وجيت .. ولو حلفت بي رب البيت .. ما بسيبك مهما بكيت .. واتمسحت بالجاز والزيت .. او جبت ليك علبه فليت .. او جريت.
* رسالة لسيد الناس الغلبان ؟ ـ بقول ليه مستحيل عن حبك اميل بساهر الليل انا يا جميل.
* بس دا مسكين ودمو كلو «موية فول»؟ ـ ما بسيبو اقول انساه دمو يزيد تزيد ،من تاني اوجاعي
* باقة ورد وفانسيدار وكلوركوين لمن تهديها؟ ـ لناس مشروع الخرطوم خالية من الملاريا وديل كرهونا العيشة ومحل قبلت القاهم معاي معاي زي ضلي.
* اغنية ترددينها هذه الايام؟ ـ كلما اشوف طيارة الرش اغني واقول: طيري يا طيارة وطيري قولي لعدويني لناس الصحة، دورياتكم مسخت وما ها سمحة ،وما بتسوي لينا شي ولا حتى القحة، وليك يا ولاية عظيم تقديري وطيري يا طيارة وطيييييري
[b]
wad karachi حبيب برونزي
عدد الرسائل : 120 العمر : 37 مكان تواجدك : karachi الجامعة التي تنتمي اليها : karachi - pharmacy التقدير : 0 نقاط : -4 تاريخ التسجيل : 07/01/2008
موضوع: رد: جكسوية هلكت السودانين !!! الجمعة 2 مايو 2008 - 19:52
hahahahahahaahah
seriously you are creative person
don't stop keep going
and all respect for you
Snoop-Nogod حبيب برونزي
عدد الرسائل : 126 العمر : 36 الموقع : لايوجد مكان تواجدك : * منتدى حبايبنا * الجامعة التي تنتمي اليها : M.U.E.T _ PETROLEUM ENGNEERING التقدير : 0 نقاط : 16 تاريخ التسجيل : 08/01/2008
from the headline iam in love ...but when i saw details ...no no my friends ...its seems like there are many kind of chex
but it was cool bro keep doing that....up always up.. rise up bro
الزعيم حبيب فضي
عدد الرسائل : 181 العمر : 38 مكان تواجدك : باكستان - جامشورو الجامعة التي تنتمي اليها : جامعة لياقت الطبية التقدير : 0 نقاط : 76 تاريخ التسجيل : 05/01/2008